У Навалукомлі прайшоў фінал вобласці па футболу “Скураны мяч”. Прымала ўдзел у гульнях шэсць каманд—пераможцы зонаў, сярод якіх і міёрская каманда (малодшая ўзроставая група 1998-1999 гадоў нараджэння).
Напачатку нашы гулялі ў групе з лепяльчанамі і дубровенцамі. З першымі атрымалася нічыя—2:2, але па пенальці нашы аказаліся больш трапнымі, другіх абыгралі 2:0. Такім чынам, міёрскія футбалісты ў групе занялі першае месца. Наступны этап, паўфінал, таксама атрымаўся “прыгожым”: выйгралі ў гарадоцкай каманды 2:0. У фінале сустракаліся з Паставамі.
17 чэрвеня праводзіўся рэспубліканскі Дзень падпісчыка, пад час якога на Міёрскім раённым вузле паштовай сувязі прайшла сустрэча з рэдактарам аддзела пісьмаў і зваротаў грамадзян газеты “Рэспубліка” Юліяй Бальшаковай.
Напярэдадні прафесійнага свята на ўрачысты сход у РДК сабраліся медыкі Міёршчыны. Апладысментамі яны сустрэлі прывітанне старшыні аблвыканкама А. М. Косінца. А намеснік старшыні райвыканкама М. М. Баніфатава падзякавала медыцынскім работнікам за нястомную працу, лепшым уручыла ўзнагароды.
На тэрыторыі раёна праходзяць міжгароднія і ўнутрыраённыя кабельныя лініі сувязі. Кіраўнікі прадпрыемстваў, арганізацый, гаспадарак і фермеры, уладальнікі зямельных участкаў і ўсе грамадзяне павінны ведаць, што ў месцах іх размяшчэння правядзенне няўзгодненых зямельных работ на глыбіні больш 0,3 м забараняецца. Для ўдакладнення кабельных трас за 3 дні да раскопкаў выклічце прадстаўнікоў электрасувязі з Міёрскага РЭС па тэл. 121 і 4-14-08, Глыбоцкага МКУ—па тэл. 4-22-99.
Рашэннем аблвыканкама №386 ад 28 мая зацверджаны фіксаваныя рознічныя цэны на цвёрдыя віды паліва, што рэалізуюцца са складоў “Віцебскаблпаліва”. Тона тарфянога брыкету каштуе 70 тыс. рублёў, кубічны метр дроў—24 тыс. рублёў.
Да сетак звадкаванага і прыроднага газу ў раёне падключана 1893 кватэры ў шматпавярховых і індывідуальных жылых дамах. Ён паступае па падземных газаправодах, якіх пракладзена больш за 39,5 кіламетраў. Звадкаванага засталося крыху менш за паўтара кіламетраў, групавыя рэзервуарныя ўстаноўкі яго знаходзяцца ў Дзісне і ў вёсках Язна і Мурашкі.
У кожнай сям’і ёсць гісторыя, звязаная з вайной. І мая старонка напоўнена гордасцю за бацьку-франтавіка.
Нурфаіз Габідулінавіч Хамітаў нарадзіўся 15 верасня 1924 года ў рэспубліцы Башкортастан. Калі пачалася вайна, сялянскі хлопец пайшоў на фронт. Трапіў у пяхоту, потым асвоіў ваенную спецыяльнасць сапёра. Як і ўсе франтавікі, бацька не любіў успамінаць пра вайну, але ў маёй памяці паўстаюць пэўныя сюжэты...
Піва—зусім не бясшкодны напітак. З яго пачыналі практычна ўсе алкаголікі. А ў моладзі алкагалізм фарміруецца ў 3-4 разы хутчэй і мае больш цяжкія формы.
Піва ўтрымлівае этылавы спірт, выклікае ап’яненне і фарміруе залежнасць. Калі падлетак спажывае яго 3-4 разы ў месяц—гэта ўжо сур’ёзнае злоўжыванне. Цяпер спажыванне алкагольных, слабаалкагольных напояў і піва ў грамадскіх месцах ці з’яўленне ў нецвярозым стане караецца штрафам да 8 базавых велічынь. Таму праявіце волю, не паддавайцеся спакусам, якія дурманяць.
В. ГРОМАНЦЬ, начальнік лінейнага пункта станцыі Круляўшчызна.
Летам на дарогах прыкметна павялічваецца колькасць транспартных сродкаў, асабліва матацыклаў і веласіпедаў. Па іх віне аварыйнасць ад усіх дарожна-транспартных здарэнняў складае 12%. У большасці выпадкаў яны суправаджаюцца цяжкімі вынікамі і чалавечымі ахвярамі. Каля 40% здарэнняў адбываецца ў сельскіх населеных пунктах і 25%—на дарогах мясцовага значэння. Асноўныя віноўнікі—маладыя людзі ад 15 да 20 гадоў.
