Зварот начальніка раёна тэрытарыяльнай абароны (Міёрскі раён, №11),
старшыні Міёрскага раённага выканаўчага камітэта Ігара Валер'евіча Кузняцова
Паважаныя жыхары раёна!
У краіне праводзіцца раптоўная праверка баявой гатоўнасці Узброеных Сіл Рэспублікі Беларусь. Яна закранула і наш раён, дзе сур'ёзны экзамен на валоданне ваенным майстэрствам здаюць мясцовыя фарміраванні тэрытарыяльных войск.
У рамках правядзення ў Міёрскім раёне вучэнняў па тэрытарыяльнай абароне 30 студзеня, 2 і 3 лютага ў раёне былога аэрадрома — паблізу ад вёсак Блажкі і Гір'яты — пройдуць стрэльбы. Просім насельніцтва ў гэтыя дні не наведваць дадзеную тэрыторыю, а кіраўнікоў арганізацый і прадпрыемстваў часова прыпыніць работы ў кар'еры і лясным масіве.
Перадвыбарная кампанія паступова набірае абароты. На гэтым тыдні ў раённую выбарчую камісію ініцыятыўныя групы прадаставілі падпісныя лісты ў падтрымку трох прэтэндэнтаў у дэпутаты раённага Савета, яшчэ два прэтэндэнты прад'явілі дакументы аб вылучэнні іх працоўнымі калектывамі. Пачаўся працэс праверкі подпісаў, пратаколаў і іншага. Рэгістрацыя кандыдатаў у дэпутаты будзе праведзена да 10 лютага, пасля настане час агітацыі ў іх падтрымку.
28 студзеня Прэзідэнт падпісаў указ №52 "Аб павышэнні пенсій". У адпаведнасці з ім адбылася карэкціроўка сярэдняга заробку работнікаў у рэспубліцы, які прымяняўся пры папярэднім пераразліку пенсій.
Працягваецца праверка гатоўнасці да дзеянняў у надзвычайных сітуацыях сістэмы тэрытарыяльнай абароны Міёрскага раёна.
Сфарміраваны штаб і падраздзяленні, у тым ліку асобная стралковая рота. Яны ўкамплектаваны інжынернай і ваенна-тэхнічнай маёмасцю, стралковай зброяй.
Як адзначаюць ваеннаабавязаныя, мабілізацыя прайшла вельмі аператыўна. Бесперапынна і зладжана дзейнічаў пункт папярэдняга збору, актыўна дапамагалі ў правядзенні мабілізацыйных мерапрыемстваў сельвыканкамы.
— Міёры — мой родны горад, — расказвае начальнік раённага вузла электрасувязі Раман Феліксавіч Пухальскі. — Аднак жыццё склалася так, што паездзіць прыйшлося ледзь не па ўсёй Беларусі. Калі прасачыць уласную біяграфію, то атрымаецца маршрут "Міёры-Віцебск-Жлобін-Гродна-Міёры".
Супрацоўнікі Міёрскага аддзялення аховы на чале з начальнікам, маёрам міліцыі Ігарам Іванавічам Войтавым, 14 студзеня падвялі вынікі службовай і фінансава-гаспадарчай дзейнасці за 2013 год, абмеркавалі задачы, якія неабходна выканаць сёлета. На сходзе прысутнічаў начальнік Віцебскага абласнога ўпраўлення, палкоўнік міліцыі Мікалай Міхайлавіч Тылец.
Віктар рос разважлівым хлопцам, на ўсё меў сваё меркаванне, імкнуўся да самастойнасці. Ды гэтаму яшчэ садзейнічалі час і ўмовы. Вось таму пасля васьмі класаў Міёрскай СШ №1 паступіў у Друйскае СПТВ-39, дзе рыхтавалі механізатараў меліярацыйных работ. А тады ў нашых мясцінах яны вяліся шырокім фронтам, на Міёршчыне ўжо дзейнічалі дзве спецыялізаваныя арганізацыі. Вось і асвойваў Віктар Паўлавіч Матэленак два з палавінай гады розныя трактары, экскаватары, іншую тэхніку. Тэарэтычныя веды і практычныя навыкі спатрэбіліся, калі атрымаў гусенічнага волата ў райсельгасхіміі. Толькі хацеў большага, імкнуўся і ездзіць хутчэй, а таму адначасова вучыўся на шафёра. Як атрымаў правы, перасеў за руль аўтамашыны ў райветлячэбніцы.
