Мікалай Генадзьевіч Хаткевіч узначальвае раённы аддзел упраўлення Следчага камітэта, які пачаў дзейнічаць  сёлета. Нягледзячы на малады ўзрост, гэты кіраўнік мае ўжо дастаткова багаты вопыт следчай работы. Пачаў займацца практычнай дзейнасцю адразу пасля заканчэння  Акадэміі МУС. Працаваў следчым пракуратуры на працягу 16 гадоў.

Цяпер кіраўніцкая пасада дабавіла клопатаў, хаця фактычна спецыфіка работы засталася ранейшай.

Раскрываць злачынствы ў райаддзеле Следчага камітэта імкнуцца адразу “па гарачых слядах”. І гэта прыносіць свой плён. Так, на 22 сакавіка закончаны 24 крымінальныя справы па 30 эпізодах злачыннай дзейнасці. У іх ліку—забойства (1), прычыненне смерці па неасцярожнасці (1), 12 крадзяжоў, 1 рабаўніцтва, 2 пагрозы забойствам, 1 недазволенае паляванне, 2 ухіленні бацькоў ад утрымання дзяцей і інш.

Э. БАГДАНОВІЧ.