Рашэннем райвыканкама намечана правесці з 11 сакавіка да 19 ліпеня дзяржаўны тэхнічны агляд колавых, гусенічных, самаробных малагабарытных і іншых трактароў, прычэпаў і паўпрычэпаў да іх, самаходных меліярацыйных, дарожна-будаўнічых, сельскагаспадарчых машын і іншай тэхнікі, якая выраблена на базе трактароў, што зарэгістраваны раённай інспекцыяй дзяржтэхнагляду і эксплуатуецца юрыдычнымі і фізічнымі асобамі, індывідуальнымі прадпрымальнікамі.

Для правядзення дзяржтэхагляду створана камісія пад кіраўніцтвам галоўнага дзяржаўнага інжынера-інспектара У. К. Яскевіча.

Кіраўнікі арганізацый раёна абавязаны да пачатку дзяржтэхагляду зрабіць аплату на разліковы рахунак фінансавага аддзела райвыканкама 3602321000003 у ЦБП №213 філіяла №214 ААТ "ААБ Беларусбанк" г. Наваполацка, код плацяжу 03001 з разліку 0,2 базавай велічыні за трактар ці самаходаную машыну, 0,1 БВ — за прычэп ці паўпрычэп.

За дзень да правядзення дзяржтэхагляду ў Дзяржтэхнагляд неабходна прадаставіць на электронным носьбіце выпіску з актаў прыёму—перадачы асноўных сродкаў формы ОС-1 па транспартных сродках, якія належаць рэгістрацыі ў органах дзяржтэхнагляду, загад аб замацаванні тэхнікі за механізатарамі і належным чынам запоўнены акт. А ў дзень агляду трэба прадаставіць усю тэхніку разам з працуючымі на ёй механізатарамі.

Дзяржтэхагляд праводзіцца на машынных дварах ці тэрыторыях прадпрыемстваў па наступным графіку:

1 сакавіка — ААТ "Туркова";

2 сакавіка — ААТ "Гвардзейскі", "Узмёнскі край";

4 сакавіка — філіял ККЗ "Цітова", ААТ "Дрыгучы";

5 сакавіка — ААТ "Любінова", "Наўгароды";

6 сакавіка — райаграсэрвіс;

7 сакавіка — ААТ "Мерыца", філіял ККЗ "Павяцце";

11 сакавіка — КУП "Язна", ВУПКУ "Юбілейны", ААТ "Папшулі";

12 сакавіка — ААТ "Мікалаёўскі", "Сіцькова";

13 сакавіка — ільнозавод;

14 сакавіка — ААТ "Чэрасы", "Пад'ельцы";

15 сакавіка — ВУПКУ "Міёрскі";

8 красавіка — Міёрскае ПМС;

9 красавіка — Язненскае ПМС;

10 красавіка — ДРБУ №203;

11 красавіка — ПМК-55, мясакамбінат, райспажыўтаварыства;

12 красавіка — санаторый "Расінка", цэнтр падрыхтоўкі, павышэння кваліфікацыі і перападрыхтоўкі рабочых райсельгасхарчу;

17 мая — УП ЖКГ, ЛПДС "Дзісна";

20 мая — РВЭС, райпаліўзбыт, камбікормавы завод;

22 мая — Міёрскі РЭС, райгаз;

24 мая — лясгас.

Сельгаспрадпрыемствам неабходна правесці тэхнічны агляд кормаўборачнай тэхнікі да 15 мая, а зерняўборачнай-да 1 ліпеня.

У. ЯСКЕВІЧ,

галоўны дзяржаўны

інжынер-інспектар

Дзяржтэхнагляду

па Міёрскім раёне.