Deprecated: Methods with the same name as their class will not be constructors in a future version of PHP; SLClient has a deprecated constructor in /home/mijoryby/public_html1/setlinks_d2530/slclient.php on line 10
год гостеприимства
Знакавым год стаў для Міёршчыны ў плане развіцця турыстычнай інфраструктуры. Знаёміцца з заказнікам "Ельня" цяпер магчыма па спецыяльнай экалагічнай сцежцы. Выкананы рамонт Дзісенскага Дома рамёстваў і кінатэатра "Колас".
Будыніна з каменя цікавай архітэктуры пры ўездзе на тэрыторыю нашага раёна ад Полацка, насупраць вёскі Гаёўка, даўно інтрыгавала падарожнікаў. Што ж гэта будзе? І вось адказ на пытанне дадзены: 23 снежня адбылося афіцыйнае адкрыццё аб'екта прыдарожнага сэрвісу кафэ "ЭдЭм". Належыць яно прыватнаму прадпрыемству "Дзісналэнд", якое з'яўляецца ўласнасцю прадпрымальніка Эдуарда Казіміравіча Цярэшкі.
На станоўчы імідж раёна ўплывае не толькі чысціня і парадак, але і развіццё паслуг для аматараў адпачыць у нашым краі, сэрвісу абслугоўвання. Пра гэта гаварылі 21 лістапада ў райвыканкаме на чарговым пасяджэнні Міжведамаснага каардынацыйнага савета па пытаннях развіцця турызму на Міёршчыне. З дакладам і прэзентацыяй па ўводзе ў эксплуатацыю аб'ектаў турыстычнай індустрыі і аб выкананні паказчыка па экспарце адпаведных паслуг сёлета за дзесяць месяцаў выступіў намеснік начальніка аддзела адукацыі, спорту і турызму райвыканкама Аляксандр Іванавіч Жук.
Наш дзіцячы санаторый "Расінка" справамі заваяваў права называцца лепшым сярод аднатыпных устаноў рэспублікі. І такім застанецца, — нібы сцвярджае дырэктар Іван Уладзіміравіч Паплаўскі, з гордасцю дэманструючы сваю вялікую гаспадарку. А яна не толькі сёлета працягвае заставацца сапраўднай будаўнічай пляцоўкай.
Тое, што турысты пра міёрскіх журавоў і журавіны ведаюць, сцвярджае дырэктар турагенцтва "Халберг" Наталля Іванаўна Будзько. У нядзелю яна прымала двухпавярховы аўтобус ад сталічных туркампаній "Трэвл" і "Дортур", які прывёз на фестываль і святочныя мерапрыемствы 60 падарожнікаў розных узростаў, нават з дзецьмі. Сярод іх былі і трое расіян з Паволжжа.
Фестываль "Журавы і журавіны Міёрскага краю" здзіўляе і захапляе яркімі колерамі фарбаў, разнастайнасцю і арыгінальнасцю нацыянальных страў і непадробнай гасціннасцю на падвор'ях, якія штогод прадстаўляе на конкурс кожны сельсавет. Што трэба, каб аформіць падвор'е, якое будзе вабіць да сябе гасцей і смела прэтэндаваць на п'едэстал пераможцаў?
Як правіла, большасць жыхароў раёна прыязджаюць у Міёры па асабістых ці працоўных справах і, выканаўшы ўсе пункты плана, спяшаюцца дадому. Карцінкі райцэнтра мільгаюць у вокнах іх уласных аўтамабіляў ці маршрутных аўтобусаў. Ды і самі гараджане, нават калі перамяшчаюцца пешшу, то звычайна на павышанай хуткасці, мала ўвагі звяртаючы на наваколле, бо думкі іх на хвалі "Праца-дом-сям'я-справы". А што б рабіў чалавек, які трапіў у наш горад праездам і мае ў запасе некалькі вольных гадзін? Куды пайсці прагуляцца, дзе адпачыць і падсілкавацца. Шукаць адказы на гэтыя пытанні ў адзін з працоўных дзён адправілася карэспандэнт.
Чорна-белы фотаздымак 1926 года. У цэнтры — надпіс-прывітанне на польскай мове, па баках стаіць шмат людзей. Так у Новым Пагосце, які тады знаходзіўся пад уладай Польшчы, сустракалі прэзідэнта дзяржавы. Яшчэ на адным здымку, ужо больш познім, дзіця ў маленькім драўляным аўтамабілі, зробленым мясцовым майстрам Іосіфам Мечыслававічам Ставіцкім. На наступным — дарога да школы, прасторна, толькі некалькі дрэў расце.
Ужо ў пяты, юбілейны, раз на базе "Мацейкавай сялібы", што ў вёсцы Пераброддзе, праходзіць летнік рамёстваў "Жывое цяпло". Сёлета сюды прыехалі 16 удзельнікаў з Міёрскага, Браслаўскага, Расонскага, Полацкага раёнаў Віцебскай вобласці, Уздзенскага раёна Міншчыны. Сабраліся, каб заняцца цудоўным рамяством—валяннем з воўны. Кіравала гэтым працэсам майстрыха з Мінска Вольга Уладзіміраўна Камінская.
