Кожная маці падлетка бачыць будучыню свайго дзіцяці паспяховай, жыццё—у дабрабыце. Але ж выгляд непаўналетніх са шклянкай ці бутэлькай піва ў руках, з цыгарэтай у зубах не заўсёды насцярожвае бацькоў, што такімі ж могуць быць іх сын ці дачка, што алкаголь можа разбурыць не толькі іх шчаслівую будучыню, але і здароўе.

Бацькі, прыгледзьцеся да сваіх дзяцей, звярніце ўвагу на іх часам “не дзіцячыя” праблемы. Толькі так зможаце дапамагчы ім знайсці правільны шлях, прывіць тыя маральныя каштоўнасці, якія неабходны ў нашым няпростым свеце. Забарона распіцця піва і алкагольных напояў у грамадскіх месцах заклікае аб’яднацца супраць улады алкаголю над асобай і дазваляе прывіць маладому пакаленню прэстыж здаровага ладу жыцця.

Вуліцы павінны быць асветлены дзіцячымі ўсмешкамі, трэба, каб на лаўках сустракаліся маладосць і мудрасць, нашы населеныя пункты неабходна вызваліць ад алкаголю і злачыннасці!

Камандаванне палка патрульна-паставой службы УУС аблвыканкама напамінае тэлефоны “гарачай лініі” па супрацьдзеянню незаконнаму гандлю спіртаўтрымліваючай прадукцыяй 8-0212-21-08-63, 8-029-511-22-16, 314-08-63.