Землеўпарадкавальная служба прапануе сельскагаспадарчым прадпрыемствам раёна, якія вядуць рэканструкцыю старых ці будаўніцтва новых малочнатаварных комплексаў (ферм), зямельныя ўчасткі (плошча кожнага 0,15 га) для будаўніцтва і абслугоўвання аднакватэрных блакіраваных жылых дамоў для работнікаў  сельгасвытворчасці ў наступных населеных пунктах:

аг. Пад'ельцы — 2 участкі, в. Масеўцы — 1, в. Юндзялова — 1; аг. Язна — 2, в.Сіцькова — 1, в. Мілашова — 2, в. Слабада — 2, аг. Узмёны — 3, в. Орцы — 1, в. Рунды — 1, в. Дрыгучы — 2, в. Каменполле — 1.

Пад забудову прадастаўлена 19 свабодных (незанятых) зямельных участкаў, агульная плошча якіх складае 2,85 гектара. Пэўная колькасць надзелаў пад будаўніцтва жылля для работнікаў сельгасвытворчасці выдзелена прадпрыемствам і раней. Пры неабходнасці для ўзвядзення ведамаснага жылля могуць быць прадастаўлены дадатковыя плошчы ў населеных пунктах, размешчаных паблізу рэканструіруемых і новых жывёлагадоўчых аб'ектаў.

Акрамя таго, насельніцтва можа ў індывідуальным парадку для будаўніцтва ў сельскай мясцовасці атрымаць участкі, у тым ліку з размешчанымі на іх невыкарыстоўваемымі аб'ектамі нерухомасці, што належаць  зносу. Падрабязную інфармацыю аб прадастаўляемых грамадзянам участках на ўзвядзенне жылля можна знайсці на сайце Міёрскага райвыканкама ў раздзеле "зямельныя ўчасткі". Індывідуальнае будаўніцтва ў вёсцы таксама паспрыяе забеспячэнню сельгасарганізацый, у тым ліку і жывёлагадоўчай галіны, кадрамі.

Э. БЛАЖЭВІЧ.