Паважаныя чытачы! Па дамоўленасці з кіраўніцтвам УП ЖКГ рэдакцыя ўводзіць новую рубрыку “Камунальная служба”. Пад ёй будуць друкавацца матэрыялы, якія тычацца домаўладальнікаў і не толькі. Уважліва сачыце за публікацыямі, каб быць у курсе апошніх навін, змен, новых патрабаванняў як да камунальнікаў, так і да кожнага з нас.Уступіў у сілу ўказ Прэзідэнта Рэспублікі Беларусь ад 8 чэрвеня 2010 года №296 “Аб унясенні дапаўненняў і змяненняў у Палажэнне аб рэгістрацыі грамадзян па месцы жыхарства і месцы знаходжання”. Міністэрства жыллёва-камунальнай гаспадаркі 14 кастрычніка мінулага года накіравала даручэнне №02-09/617 “Аб рэалізацыі п. 6 плана мерапрыемстваў па адмене дамавых кніг і арганізацыі ўліку грамадзян, пражываючых у аднакватэрных (блакіраваных) жылых дамах”.
Уладальнікі жылля (кватэры, дамы) у райцэнтры здаюць дамавыя кнігі ў разлікова-даведачны цэнтр УП ЖКГ па адрасу: г. Міёры, вул. Дзяржынскага, 20А. Астатнія ў Дзісенскі гарадскі і сельскія Саветы.
У далейшым замест дамавых кніг будуць весціся карткі ўліку па месцы жыхарства (знаходжання) ва УП ЖКГ.
Па ўсіх пытаннях рэгістрацыі і выдачы даведак звяртайцеся ў наш разлікова-даведачны цэнтр, тэлефон 4-24-16.
Юрый КУКУЦЬ,
юрыст УП ЖКГ.