ПРЭМ’ЕР-МІНІСТР Міхаіл Мясніковіч паставіў задачу павялічыць вытворчасць і долю экспарту прадукцыі з высокай дабаўленай вартасцю і знізіць продажы паўфабрыкатаў і сыравіны.
ххх
САВЕТ Міністраў зацвердзіў план мерапрыемстваў па правядзенню ў краіне Міжнароднага года лясоў.
ххх
П. ПРАКАПОВІЧ выказаў упэўненасць у тым, што ў 2011 годзе Нацыянальны банк выканае паказчык у золатавалютных рэзервах. А яны павінны вырасці не менш як на 1,2 млрд. долараў.
ххх
УКЛАДЫ насельніцтва ў нацыянальнай валюце ў банках у 2010 годзе павялічыліся на 22,4%, а дэпазіты ў замежнай валюце выраслі на 29,6%.
ххх
МІЖНАРОДНЫЯ рэзервовыя актывы Беларусі па методыцы МВФ скараціліся за 2010 год на 11%.
ххх
РОЗНІЧНЫЯ цэны на гарэлку з 12 студзеня выраслі на 5%.
ххх
МІНСЕЛЬГАСХАРЧ ініцыіруе павышэнне закупачных цэн на сельгаспрадукцыю ўраджаю 2011 года ад 25% да 41%.
ххх
ПРАЦЭДУРА афармлення спадчыны на пабудаваныя да 2003 года садовыя домікі і гаражы спрошчана ў адпаведнасці з пастановай СМ №129/80.
ххх
СЯРЭДНЯЯ пенсія ўсіх відаў у студзені 2011 года складае 584,7 тыс. рублёў, што на 24,9% больш, чым у студзені 2010 года.
ххх
НАЧАЛЬНІКАМ фінансавага ўпраўлення аблвыканкама прызначаны Барыс Валянцінавіч Кічаноўскі, які да гэтага працаваў намеснікам начальніка фінансавага ўпраўлення.
ххх
У БЕЛАРУСКІХ універсітэтах рэзка павысілі плату за навучанне—у асобных выпадках да 30%.
ххх
ПА ПРАГНОЗАХ футуролагаў праз 10-15 гадоў папулярнымі будуць прафесіі нанатэхнолага, генетыка, электраэнергетыка, спецыяліста па міжкультурных камунікацыях, супрацоўніка экалагічнай паліцыі, менеджэра па продажах, урача-герантолага, перакладчыка (усходнія мовы), журналіста-агрэгатара.
ххх
ПЕРАХОДНЫ перыяд па зніжэнню ўзроўню дзяржаўнай падтрымкі сельгасвытворцаў захаваецца да 1 студзеня 2016 года.
Па матэрыялах БелТА і СМІ.