З гэтага года штоквартальна органы дзяржаўнай статыстыкі праводзяць выбарачнае абследаванне дамашніх гаспадарак з мэтай вывучэння праблем занятасці насельніцтва. Асноўныя задачы — вывучэнне стану і дынаміка рынку працы; атрыманне найбольш поўных і аб’ектыўных зводных статыстычных дадзеных аб колькасці эканамічна актыўнага насельніцтва, занятых, беспрацоўных і эканамічна неактыўных асоб; фарміраванне звестак аб прычынах незанятасці, спосабах і працягласці пошуку работы, гатоўнасці да працаўладкавання, а таксама аб складзе занятага, беспрацоўнага і эканамічна неактыўнага насельніцтва па полу, узросце, адукацыі, прафесіі і кваліфікацыі.
Сёлета для абследавання ў Міёрскім раёне выбраны сельскія населеныя пункты Перабродскага сельсавета — 30 жылых памяшканняў і г. Міёры—40. Іх адрасы сфарміраваны.
Абследаванне будзе праводзіцца ў трэці тыдзень з панядзелка па нядзелю ўключна другога месяца квартала, гэта люты, май, жнівень і лістапад.
У сёлетнім лютым абследуемы тыдзень з 13 да 19 лютага. Спіс адрасоў жылых памяшканняў штоквартальна мяняецца.
Спецыялісты, што праводзяць абследаванне, робяць папярэдні абход вызначаных дамашніх гаспадарак для апавяшчэння, узгаднення даты і часу апытання, пакідаюць пісьмо-зварот. Яны маюць пры сабе пасведчанне з каляровым здымкам і эмблемай Нацыянальнага статыстычнага камітэта, адпаведнымі пячаткамі і подпісамі.
Абследаванне праводзіцца на працягу 10 дзён пасля вызначанага тыдня шляхам непасрэднага наведвання дамашняй гаспадаркі і апытання яе членаў па анкеце і з запаўненнем карткі на памяшканне. Рэспандэнтамі (апытваемымі) з’яўляюцца члены дамашняй гаспадаркі ва ўзросце ад 15 да 74 гадоў уключна, якія пастаянна жывуць у жылым памяшканні, вызначаным для абследавання. Усе звесткі фіксуюцца выключна са слоў, без іх дакументальнага пацвярджэння. Яны канфідэнцыяльныя, выкарыстоўваюцца толькі для атрымання выніковых дадзеных у статыстычна абагульненым выглядзе.
Аддзел статыстыкі.
