Сайт Раённай газеты Міёрскія навіны
 
Навигация на сайте:
» Грамадства » Перспективы сопровождаемого проживания
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    тра 2021    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
28-02-2012, 20:04 Грамадства  ] • Перспективы сопровождаемого проживания   |  
 
Назва: Перспектывы суправаджаемага пражывання      

Перспективы сопровождаемого проживания З ліку нашых удзельнікаў — маладыя інваліды, іх бацькі і апекуны, старшыня Міёрскай пярвічнай арганізацыі ГА “БелАДДІіМІ” Таццяна Уладзіміраўна Мільто, работнікі ТЦСАН, якія непасрэдна працуюць з гэтай катэгорыяй, дырэктар установы Алена Венядзіктаўна Шамёнак і дырэктар ЦКРНіР Аляксандра Яўгенаўна Валынец. А таксама прымала ўдзел у пасяджэнні “круглага стала” галоўны спецыяліст аддзела ідэалагічнай работы райвыканкама Людміла Антонаўна Завадская.

 

Трэба адразу зазначыць, што дыскусіі настолькі захапілі, што ўкласціся ў адведзеныя рамкі было цяжка. Размовы працягваліся і ў час перапынку, і пасля заканчэння мерапрыемства.

— Вы б хацелі ў санаторыі жыць заўсёды? — прагучала правакацыйнае пытанне ад гасцей на  самым пачатку мерапрыемства. Хвілінная замінка, усмешкі…і адказ адмоўны. Хоць на поўным абслугоўванні, у “цяплічных умовах”, аднак гэта штосьці не тое, ненатуральнае. Не можа быць чалавек цацкай, каб з ім заўсёды няньчыліся. Такое жыццё не паўнацэннае, а нейкае штучнае, несапраўднае.

 

Тое ж можна сказаць і ў адносінах людзей з асаблівасцямі развіцця. У іх рознай ступені абмежаванні, пры нязначных — чалавек можа весці амаль што нармальнае жыццё. Толькі ці заўсёды ўдаецца рэалізаваць свае магчымасці? Інваліду, які жыве дома, іншыя члены сям’і, як правіла, імкнуцца не даручаць тую работу, якую прасцей і хутчэй выканаць самім. У інтэрнатах таксама такія людзі знаходзяцца на поўным утрыманні. У выніку атрымліваецца, што фізічна здаровыя інваліды не ўмеюць нічога. Яны наогул не прыстасаваны да жыцця.

 

— Што будзе з маім сынам (дачкой), калі не стане мяне? — не раз агучваюць падобныя пытанні дарослыя, у якіх дзіця не падобнае на іншых. Сапраўды, што? Прайсці цярплівую навуку прыстасавання да жыццёвых умоў інваліда прапануюць спецыялісты. Тым больш, што асобныя з іх спазналі праблемы на вопыце ўласнай сям’і.

 

— Гэта мая «кандыдацкая», — вобразна адзначае ўласную дзейнасць выкладчыца матэматыкі сталічнай ВНУ М. Д. Сінякевіч. Малодшая дачка ў іх сям’і прымусіла перакваліфікавацца сваю маці, заняцца ёй ушчыльную. Зразумела, істотныя поспехі дасягнуты. Аднак паралельна ўсе 25 гадоў жанчына дапамагае і іншым  знайсці сваё месца ў жыцці, нягледзячы на выпрабаванні лёсу. Намаганні прыносяць плён, дазваляюць учарашняму няўпэўненаму ў сабе маладому чалавеку працаваць, адчуваць сябе роўным побач з іншымі.

 

Як гэта ажыццяўляецца на практыцы, у рэальным жыцці, падрабязна расказала спецыяліст па сацыяльнай рабоце ГА “БелАДДІіМІ” Алена Васільеўна Бойка. У падмацаванне госці са сталіцы прывезлі з сабой відэаматэрыял. Удзельнікі “круглага стала” мелі магчымасць пачэрпнуць шмат павучальнага і карыснага для сябе. Яны пабачылі, як такія ж маладыя інваліды авалодваюць уменнем гатаваць сабе ежу, прыбіраць кватэру, рабіць пакупкі, ажыццяўляць гігіенічныя працэдуры.

 

2 гады таму ў Мінску адкрыўся першы і не зусім звычайны інтэрнат для людзей з асаблівасцямі псіхафізічнага развіцця. Гэта двухпакаёвая кватэра, у якой адначасова могуць жыць 4 чалавекі — 2 хлопцы і 2 дзяўчыны. Вучэбныя курсы для іх доўжацца 3-4 месяцы. На працягу іх маладых інвалідаў рыхтуюць да самастойнага жыцця. Днём моладзь працуе, наведвае майстэрні грамадскіх і царкоўных арганізацый, а вечарам вяртаецца ў інтэрнат, дзе яе сустракаюць 2 спецыялісты па сацыяльнай рабоце. Пасля адпачынку і абмену навінамі пачынаюцца “бытавыя ўрокі”, падчас якіх юнакі і дзяўчаты пад кантролем чысцяць бульбу, вучацца смажыць, варыць, падаваць на стол. Прыбіраюць у пакоях таксама самі.

 

А потым сумесна плануюць новыя справы на наступны дзень. Вядома ж, адводзіцца час для прагляду фільмаў, каб патэлефанаваць бацькам і сябрам. Ім дазваляецца наладжваць дыскатэкі, запрашаць гасцей. А раніцай гатуюць сняданне, мыюць посуд, прыводзяць сябе ў парадак і едуць на работу.

Выхадныя і святочныя дні маладыя інваліды праводзяць у сваіх сем’ях. У гэты час яны выконваюць хатнія заданні для замацавання атрыманых навыкаў.

Напрыклад, гатуюць кашу, старанна мыюць посуд, прыбіраюць у кватэры.

Акрамя таго, практыкуецца наведванне грамадска-культурных месцаў, тэатраў, кафэ, арганізоўваюцца прагулкі.

 

Бацькі маладых інвалідаў, якія спачатку не зусім давяралі суправаджаемаму вучэбнаму пражыванню, рэзка памянялі свае погляды, бо іх сыны і дочкі сталі іншымі — больш упэўненымі, жыццярадаснымі, з ахвотай дэманстравалі атрыманыя навыкі.

 

Дарэчы, нашы маладыя інваліды, што прысутнічалі на мерапрыемстве, пажадалі прайсці навучанне ў гэтым інтэрнаце. Хаця ім таксама было чым пахваліцца, бо і міёрскія спецыялісты з ТЦСАН шмат працуюць у гэтым накірунку. Многія памятаюць, як старанна прыбіралася тэрыторыя масавага адпачынку — паўвостраў.  Ведаем пра сакавітыя памідоры, перцы, хрумсткія агурочкі, што вырошчваліся ўмелымі рукамі выхаванцаў ТЦСАН. Асабліва ўдзячны за такую вітамінную агародніну састарэлыя з аддзялення кругласутачнага знаходжання ў Дзісне,што працяглы перыяд харчаваліся ёй.

 

Пра гэта і многае-многае іншае расказвалі сталічным калегам дырэктар ТЦСАН А. В. Шамёнак, спецыяліст Т.П. Шульга. Свае меркаванні выказалі бацькі, апекуны. Быў прадэманстраваны багаты відэаматэрыял. З усяго ўбачанага і пачутага вынікала, што ў нашым раёне па-сапраўднаму клапоцяцца пра дзяцей і моладзь з асаблівасцямі ў развіцці.

 

Э. БАГДАНОВІЧ.

 

 


 (галасоў: 0)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar