Сёлета напрыканцы ліпеня да абавязкаў памочніка пракурора раёна прыступіла выпускніца юрыдычнага факультэта Віцебскага дзяржуніверсітэта Вольга Барысенка. Пакуль што Вольга Рыгораўна стажор на гэтай пасадзе. У студзені чакае атэстацыя, дзе трэба будзе пацвердзіць сваю прафесійную падкаванасць.
Алег Перапячаеў на службе ў Міёрскім РАНС другі год. Накіраваны сюды пасля вучобы ў сталічным Камандна-інжынерным інстытуце МНС. Менавіта супрацоўнікі РАНС падказалі колішняму выпускніку СШ №2 гэтую навучальную ўстанову.
28 кастрычніка ў зале райвыканкама сабраліся маладыя спецыялісты, якія сёлета прыбылі ў наш раён, каб плённа працаваць на яго дабрабыт. Усяго 128 хлопцаў і дзяўчат. Менавіта ад іх старання, навыкаў, самаарганізацыі залежыць поспех не толькі занятых структур, але і ўласнага жыцця. Старшыня раённага дэпутацкага корпуса Марыя Баніфатава заўважыла, што
ў маладых "гараць вочы", а значыць, яны будуць старацца,
уносіць ініцыятыву, трымаць дысцыпліну, пакажуць
дасканалыя ўменні і навыкі,
дастойны прыклад.
28 кастрычніка ў зале райвыканкама сабраліся маладыя спецыялісты, якія сёлета прыбылі ў наш раён, каб плённа працаваць на яго дабрабыт. Усяго 128 хлопцаў і дзяўчат. Менавіта ад іх старання, навыкаў, самаарганізацыі залежыць поспех не толькі занятых структур, але і ўласнага жыцця. Старшыня раённага дэпутацкага корпуса Марыя Баніфатава заўважыла, што ў маладых "гараць вочы", а значыць, яны будуць старацца, уносіць ініцыятыву, трымаць дысцыпліну, пакажуць дасканалыя ўменні і навыкі, дастойны прыклад.
16 кастрычніка маладыя аўтааматары хваляваліся. Прычына таму—дэманстрацыя ўласнай дасканаласці ў вадзіцельскім майстэрстве. Дзесяць хлопцаў і дзяўчат з розных прадпрыемстваў і арганізацый раёна манеўравалі на аўтадроме, паказалі і тэарэтычныя веды. Прычым сярод удзельнікаў вадзіцеляў па прафесіі няма. Але, назіраючы за адчуваннем машыны і правільнымі, хуткімі рухамі, цяжка гэта ўсвядоміць, як і тое, што стаж амаль ва ўсіх кіроўцаў, у прынцыпе, нявялікі.
У суботу, 31 кастрычніка, "Дзень адчыненых дзвярэй" адбудзецца ў Ваеннай акадэміі Рэспублікі Беларусь. У рамках гэтага мерапрыемства можна даведацца пра парадак прыёму і навучання ва ўстанове, зрабіць экскурсію па факультэтах, пазнаёміцца з вучэбна-матэрыяльнай базай, жыццём і бытам курсантаў, месцамі іх пражывання і навучання.
У сёлетнім працоўным семестры школьнікі і студэнты актыўнічалі ў раёне са жніўня да кастрычніка. Паводле інфармацыі райкама БРСМ, 414 старшакласнікаў дапамагалі ва ўборцы бульбы ААТ "Туркова", "Пад'ельцы", "Мікалаёўскі", ВУПКУ "Міёрскі". Больш за ўсіх прыняло ААТ "Пад'ельцы"—14 атрадаў, ВУПКУ "Міёрскі"—5. Сярэдні заробак школьнікаў—1 100 000 рублёў. У ААТ "Туркова" працавалі студэнты Полацкага ўніверсітэта.
Загадчыца Дзісенскага дзіцячага сацыяльнага прытулку Людміла Калачова шчыра дзякуе райкаму БРСМ і маладзёжнаму лідару Вікторыі Пяткевіч за арганізаваную акцыю "З добрым сэрцам у школу". Нераўнадушныя людзі зрабілі свой унёсак у прыемную і патрэбную справу — падарылі дзеткам канцылярскія рэчы: сшыткі, альбомы для малявання, фарбы, алоўкі, пластылін і іншае. Скрыня дабрачыннасці змяшчалася ў спецыялізаванай "Вясёлцы", што на гандлёвай плошчы.
Аддзел ідэалагічнай работы, культуры і па справах моладзі сумесна з райкамам БРСМ 16 кастрычніка запрашаюць прыняць удзел у раённым конкурсе майстэрства маладых аўтааматараў. Хлопцы і дзяўчаты ва ўзросце да 31-го года з вадзіцельскім пасведчаннем катэгорыі "В", гэтая інфармацыя для вас!
Экалагічны брэйн-рынг сярод працоўнай моладзі, што адбыўся 19 верасня ў раённым Доме культуры, яшчэ раз даказаў эрудзіраванасць удзельнікаў. Каманды прадставілі аддзелы ўнутраных спраў і па надзвычайных сітуацыях, сельгаспрадпрыемства "Міёрскі", цэнтральная раённая бальніца, аддзел адукацыі, спорту і турызму, зборная ПМК-55 і камбікормавага завода. Экалагічную тэматыку спаборніцтва абумовіў гонар за нашу Ельню і яе багацце.