17 кастрычніка па ініцыятыве Міністэрства лясной гаспадаркі прайшла агульнарэспубліканская
акцыя "Чысты лес". Яна заклікана прыцягнуць увагу грамадскасці, асабліва маладога пакалення, да неабходнасці беражліва ставіцца да лесу і не засмечваць яго. Праводзіцца такое мерапрыемства штогод, пачынаючы з 2010-га, далучыцца можа кожны жадаючы. Сёлета такіх добраахвотнікаў налічылася больш за дзвесце чалавек.
17 кастрычніка па ініцыятыве Міністэрства лясной гаспадаркі прайшла агульнарэспубліканская акцыя "Чысты лес". Яна заклікана прыцягнуць увагу грамадскасці, асабліва маладога пакалення, да неабходнасці беражліва ставіцца да лесу і не засмечваць яго. Праводзіцца такое мерапрыемства штогод, пачынаючы з 2010-га, далучыцца можа кожны жадаючы. Сёлета такіх добраахвотнікаў налічылася больш за дзвесце чалавек.
Працавалі ўдзельнікі акцыі на 23-х аб'ектах: наводзілі парадак у месцах адпачынку, лясных масівах уздоўж дарог і населеных пунктаў. Актыўны ўдзел прынялі вучні Дзісенскай і Новапагосцкай сярэдніх школ, не засталіся ў баку і мясцовыя жыхары.
У пальчатках і з пакетамі добраахвотнікі накіраваліся збіраць бытавое і будаўнічае смецце, пакінутае нядбайнымі адпачывальнікамі і жыхарамі бліжэйшых домаўладанняў. Транспарт для адвозкі хламу прадаставіў лясгас.
Хочацца верыць, што такія акцыі навучаць захоўваць прыгажосць нашай прыроды і паважаць працу супрацоўнікаў лясной гаспадаркі. Менавіта дзякуючы нераўнадушным людзям нашы лясы стануць чысцей.
Алена КОНАХ,
намеснік дырэктара па ідэалагічнай рабоце.